ᖁᒪᐅᑉ ᐅᓕᕐᓀᓯᒍᑎᖏᑦ
ᐱᕙᓪᓕᐊᒍᑕᐅᓯᒪᑦᓱᑎᒃ ᐊᕐᕌᒍᐃᑦ ᖁᓕᑦ ᐃᓗᐊᓂ ᐱᒋᐊᕐᓱᒍ 1980-ᒥ ᑖᒧᓯ ᖁᒪᕐᒧᑦ ᑖᒃᑯᐊ ᓯᕗᓪᓕᐸᐅᓯᒪᕗᑦ ᐅᓕᕐᓀᓯᒍᑎᓂ ᓴᓇᔭᕕᓂᕐᓂ ᓄᓇᕕᒻᒥᐅᒧᑦ ᐃᓄᒻᒧᑦ. 24,500 ᐅᖃᐅᓯᕐᑕᖏᑦ ᑐᑭᓯᓐᓇᐅᑎᖏᓪᓗ ᓯᕗᓪᓕᐹᒥᒃ ᐊᓪᓚᑕᐅᓯᒪᔪᑦ ᐃᓄᒃᑎᑐᑦ. ᖃᓪᓗᓈᑎᑐᑦ ᐅᐃᒍᐃᑎᑐᓪᓗ ᐅᖃᐅᓯᖏᓐᓅᔭᕐᑕᐅᓂᖏᑦ ᐱᕙᓪᓕᐊᒍᑕᐅᓕᕐᑐᑦ.
ᐅᓕᕐᓀᓯᒍᑏᑦ Ulirnaisigutiit
ᑐᖕᖓᓱᒋᑦ ᐅᓕᕐᓀᓯᒍᑏᑦ ᒪᑉᐱᕕᖓᓐᓄᑦ (Ulirnaisigutiit.ca) ᐊᕙᑕᖅ ᐱᐅᓯᑐᖃᓕᕆᕕᐅᑉ ᓄᐃᑕᑎᑕᖓᓄᑦ.
ᑖᓐᓇ ᒪᑉᐱᕕᒃ ᐱᑦᔪᑎᖃᕐᖁᖅ ᐃᓄᓕᒫᓄᑦ ᐊᑐᐃᓐᓇᕈᐃᓂᕐᒥᒃ ᐊᒥᓱᐃᓂᒃ ᐊᑑᑎᖃᓪᓚᕆᑦᑐᓂᒃ ᕿᒥᕐᕈᔭᑦᓴᓂᒃ ᐊᑐᕐᓂᐊᓗᓂ ᐃᓕᓐᓂᐊᓗᓂᓗ ᓄᓇᕕᒻᒥᐅᑦ ᐅᖃᐅᓯᖓᓐᓂᒃ (ᓄᓇᕕᒃ, ᑯᐯᒃ).
ᓯᓀᑕᐅᑉ ᐅᓕᕐᓀᓯᒍᑎᖏᑦ
ᓄᐊᑕᐅᓯᒪᔪᑦ ᓘᓯᐊᓐ ᓯᓀᑕᒧᑦ 1950 ᐊᕐᕌᒍᖏᓐᓂ ᑲᖏᕐᓱᔪᐊᒥ ᐱᓗᐊᕐᑐᖅ, ᑖᒃᑯᐊ ᐱᓇᓱᑦᑕᕕᓂᖏᑦ ᓄᐃᑦᓯᓯᒪᔪᑦ 22,000-ᓂᒃ ᐃᓄᐃᑦ ᐅᖃᐅᓯᖏᓐᓂᒃ ᐅᐃᒍᐃᑎᑐᑦ ᑐᑭᓯᓐᓇᐅᑎᑕᖃᕐᑎᓗᒋᑦ. (ᓯᑯᑦᓴᔭᒨᕐᑕᐅᓯᒪᑦᓱᑎᓪᓗ ᐊᒥᓱᖕᖑᐃᔭᕐᑕᐅᔪᕕᓃᑦ 1970-ᒥ) ᖃᓪᓗᓈᑎᑑᓕᕐᑎᑕᐅᓯᒪᑦᓱᑎᓪᓗ 1980-ᒥ. ᑖᒃᑯᐊ ᐅᓕᕐᓀᓯᒍᑏᑦ ᐃᓚᖃᕐᒥᔪᑦ ᐅᖃᐅᓰᑦ ᖃᓄᖅ ᐅᖃᕐᑕᐅᒍᓯᖏᓐᓂᒃ ᖃᐅᔨᒪᐅᑎᓂᒃ.
ᐃᓄᒃᑎᑐᑦ ᐅᖃᐅᓯᕐᒧᑦ ᐃᓱᐊᖁᑎᓂᒃ ᐊᓪᓚᑯᕕᒃ
ᐃᓄᒃᑎᑐᑦ ᐅᖃᐅᓯᕐᒧᑦ ᐃᓱᐊᖁᑎᓂᒃ ᐊᓪᓚᑯᕕᒃ ᐊᓪᓚᓂᒃ ᖃᐅᔨᒋᐊᕐᕕᓴᓂᒃ ᐱᑕᖃᕐᖁᖅ ᐊᑐᕐᑕᐅᒍᒫᕐᓂᐊᑐᓂᒃ ᐅᖃᐅᓯᐅᑉ ᐁᑉᐹᓅᔦᔨᓄᑦ, ᐃᓕᓐᓂᐊᑎᓄᑦ, ᐃᓕᓐᓂᐊᑎᑦᓯᔨᓄᑦ ᐊᒻᒪᓗ ᐊᓯᖏᓐᓄᑦ ᐱᓇᓱᑦᑎᓄᑦ ᓄᓇᕕᒻᒥ ᐊᓯᖏᓐᓂᓗ ᓄᓇᓂ.
